ನಿಮ್ಮ ಫೋನ್ ಕಳೆದೋಗಿದೀಯಾ? ಹೀಗೆ ಮಾಡಿದ್ರೆ 100% ಕಳೆದೋಗಿರೋ ಫೋನ್ ಸಿಕ್ಕೇ ಸಿಗುತ್ತೆ!

ಫೋನ್ ಕಳೆದೋಗಿದ್ರೆ ಹೀಗೆ ಮಾಡಿ ೧೦೦% ಸಿಗುತ್ತೆ ನಿಮ್ಮ ಫೋನ್ 

        ಗದಗ್ ಜಿಲ್ಲೆಯಲ್ಲಿ, ಪೊಲೀಸರು ಕಳೆದು ಹೋದ ಮೊಬೈಲ್ ಗಳನ್ನು ಹುಡುಕಲು ಒಂದು ಹೊಸ ತಾಂತ್ರಿಕ ವ್ಯವಸ್ಥೆಯನ್ನು ಅಳವಡಿಸಿಕೊಳ್ಳುತ್ತಿದ್ದಾರೆ. ಈ ವಿಷಯವಾಗಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಬಿ.ಎಸ್ ನೇಮಗೌಡ ಅವರು ತಿಳಿಸಿದ್ದಾರೆ. ಈ ಹೊಸದಾದ ತಾಂತ್ರಿಕ ವ್ಯವಸ್ಥೆ ಯಾವುದೆಂದರೆ 'ಮೊಬಿಫೈ (MobiFi) ಆಪ್. ಈ ಆಪ್ ಮೂಲಕ ಕಳೆದು ಹೋದ ಮೊಬೈಲ್ ನಾನು ಪತ್ತೆ ಮಾಡಬಹುದಾಗಿದೆ. ಇನ್ನು ಮುಂದೆ ಮೊಬೈಲ್ ಕಳೆದುಕೊಂಡ ತಕ್ಷಣ ಪೊಲೀಸ್ ಠಾಣೆಗೆ ಹೋಗಿ ದೂರನ್ನು ನೀಡುವುದು ಅವಶ್ಯ ಇರುವುದಿಲ್ಲ. ಈ ಆಪ್ನಲ್ಲಿ ಕೆಲವು ಮಾಹಿತಿಗಳನ್ನು ಭರ್ತಿ ಮಾಡಿದರೆ ಸಾಕು.

ಗದಗ್ ಜಿಲ್ಲೆಯಲ್ಲಿ ಇತ್ತೀಚಿಗೆ ಮೊಬೈಲ್ ಕಳ್ಳತನದ ಹಾವಳಿ ಹೆಚ್ಚಾಗಿದ್ದು, ಗದಗದ ಪೊಲೀಸರು ಈ ತಾಂತ್ರಿಕ ವ್ಯವಸ್ಥೆಯ ಮೂಲಕ ಕಳೆದು ಹೋದ ಮೊಬೈಲ್ ಗಳನ್ನು ಪತ್ತೆ ಹಚ್ಚುವ ಕ್ರಮಗಳನ್ನು ಕೈಗೊಳ್ಳುತ್ತಿದ್ದಾರೆ. ಗದಗ ಜಿಲ್ಲೆಯ ಪೊಲೀಸ್ ಅಧಿಕಾರಿಗಳು ಮಾತ್ರ ಈ ಆಪ್ ನ್ನು ಬಳಸುತ್ತಿದ್ದಾರೆ.

ಈ App ನ್ನು ಬಳಸುವ ವಿಧಾನ:

         ಪೊಲೀಸ್ ಅಧಿಕಾರಿಗಳು ಮೀಸಲಾದ ಮೊಬೈಲ್ ಸಂಖ್ಯೆಯನ್ನು ನೀಡಿದ್ದಾರೆ. ಅದು- 8277989900. ಒಮ್ಮೆ ಜನರು ತಮ್ಮ ಮೊಬೈಲ್ ಅನ್ನು ಕಳೆದುಕೊಂಡರೆ, ತಕ್ಷಣವೇ ಈ ಸಂಖ್ಯೆಗೆ ''ಹಾಯ್'' ಎಂದು ಸಂದೇಶವನ್ನು (message) ಕಳುಹಿಸಬಹುದು. ನಂತರ, ಅವರು ಲಿಂಕ್ ಅನ್ನು ಪಡೆಯುತ್ತಾರೆ ಮತ್ತು ಅವರ ಮೊಬೈಲ್ ಸಂಖ್ಯೆ, ಹೆಸರು, ವಿಳಾಸ ಮತ್ತು ಇತರ ವಿವರಗಳನ್ನು ಒಳಗೊಂಡಂತೆ ಎಲ್ಲಾ ವಿವರಗಳನ್ನು ಫೀಡ್ ಮಾಡಲು ಅವರು ಆ ಲಿಂಕ್ ಅನ್ನು ಕ್ಲಿಕ್ ಮಾಡಬೇಕು. ಎಲ್ಲಾ ವಿವರಗಳು ಪೊಲೀಸ್ ಇಲಾಖೆಯ ತಾಂತ್ರಿಕ ತಂಡವನ್ನು ತಲುಪುತ್ತವೆ. ತಂಡವು ತಂತ್ರಜ್ಞಾನವನ್ನು ಕಳೆದುಕೊಡ ಮೊಬೈಲ್ ಅನ್ನು ತಕ್ಷಣವೇ ಪತ್ತೆ ಹಚ್ಚಲು ಪ್ರಾರಂಭಿಸುತ್ತವೆ. ಅಷ್ಟೇ ಅಲ್ಲದೆ ಬಳಕೆದಾರರಿಗೆ ಅವರ ಪ್ರಕರಣದ ಸ್ಥಿತಿಯನ್ನು ಕೂಡ ನವೀಕರಿಸುತ್ತಿರುತ್ತಾರೆ.

       ಈ ಯೋಜನೆ ಯಶಸ್ವಿಯಾದ ನಂತರ ಸೌಲಭ್ಯವನ್ನು ಇತರ ಜಿಲ್ಲೆಗಳಿಗೆ ವಿಸ್ತರಿಸಲು ಪೊಲೀಸ್ ಅಧಿಕಾರಿಗಳು ಯೋಚಿಸಿದ್ದಾರೆ., ಅಲ್ಲದೆ ಜನರು ಕಾಣೆಯಾದ ಮೊಬೈಲ್ ಗೆ ಈ ಸೌಲಭ್ಯವನ್ನು ಬಳಸಿಕೊಳ್ಳುವಂತೆ ಮನವಿ ಮಾಡಿದ್ದಾರೆ. ಈ ಯೋಜನೆಯಿಂದ ಸಾರ್ವಜನಿಕರಿಗೆ ಸಂತೋಷವಾಗಿದೆ ಎಂದು ವ್ಯಕ್ತಪಡಿಸಿದರು.