ಈ ಬ್ಯಾಂಕ್ ಮೂಲಕ ಮನೆ ದುರಸ್ತಿ ಸಾಲಕ್ಕೆ ಅರ್ಜಿ ಸಲ್ಲಿಸಿ...
WhatsApp Group ಬ್ಯಾಂಕುಗಳು ಮತ್ತು ಹಣಕಾಸು ಸಂಸ್ಥೆಗಳು ಮನೆ ಖರೀದಿಗೆ ಗೃಹ ಸಾಲವನ್ನು ನೀಡುತ್ತವೆ. ಅದೇ ರೀತಿಯಲ್ಲಿ, ಮನೆ ರಿಪೇರಿ ಅಥವಾ ದುರಸ್ತಿಗಾಗಿ ವಿಶೇಷ ಸಾಲವನ್ನು ಸಹ ನೀಡುತ್ತವೆ. ಗೃಹಸಾಲಗಳಿಗೆ ಹೋಲಿಸಿದರೆ, ಈ ಅವಧಿಗಳು ಕಡಿಮೆ. ಒಂದುವೇಳೆ ನೀವು ಈಗಾಗಲೇ ಗೃಹಸಾಲವನ್ನು ಹೊಂದಿದ್ದರೆ, ನೀವು ಮನೆ ರಿಪೇರಿ ಸಾಲವನ್ನು ಟಾಪ್-ಅಪ್ ಸಾಲವಾಗಿ ತೆಗೆದುಕೊಳ್ಳಬಹುದು. ಅದಕ್ಕೆ ಅರ್ಜಿ ಸಲ್ಲಿಸುವ ಮೊದಲು ನಿಮ್ಮ ಮರುಪಾವತಿ ಸಾಮರ್ಥ್ಯವನ್ನು ಮೌಲ್ಯಮಾಪನ ಮಾಡಬೇಕು. ಸಾಲ ಒಪ್ಪಂದದ ನಿಯಮಗಳು ಮತ್ತು ಷರತ್ತುಗಳನ್ನು ತಿಳಿಯಿರಿ.
ಅರ್ಹತೆ :
ಇದು ಸಾಲದಾತರಿಂದ ಸಾಲದಾತನಿಗೆ ಬದಲಾಗುತ್ತದೆ.ಬ್ಯಾಂಕುಗಳು ಸಾಮಾನ್ಯವಾಗಿ ಆದಾಯ, ಕ್ರೆಡಿಟ್ ಸ್ಕೋರ್ ಮತ್ತು ಅಸ್ತಿ ಮೌಲ್ಯದಂತಹ ಅಂಶಗಳನ್ನು ನೋಡುತ್ತವೆ. ಮನೆ ದುರಸ್ತಿಗೆ ಎಷ್ಟು ವೆಚ್ಚವಾಗುತ್ತದೆ ಎಂಬ ಮಾಹಿತಿಯನ್ನು ಸಂಬಂಧಪಟ್ಟ ತಜ್ಞರಿಂದ ಪಡೆದು ಬ್ಯಾಂಕ್ ಗಳಿಗೆ ವರದಿ ನೀಡಬೇಕು.
ಎಷ್ಟು ಸಾಲ?
ನಿಮ್ಮ ಮನೆಯ ನವೀಕರಣವನ್ನು ಪೂರ್ಣಗೊಳಿಸಲು ಸಾಲದ ಮೊತ್ತವು ಎಷ್ಟು ಅಗತ್ಯವಿದೆಯೋ ಅಷ್ಟು ಇರಬೇಕು. ನಿಮ್ಮ ಆದಾಯ ಮತ್ತು ಅಸ್ತಿ ಮೌಲ್ಯವನ್ನು ಪರಿಗಣಿಸಿ ನಿಮಗೆ ಕೆಲವೊಮ್ಮೆ ಹೆಚ್ಚಿನ ಮೊತ್ತವನ್ನು ನೀಡಬಹುದು. ಆದರೆ ಅದನ್ನು ತೀರಿಸಲು ಕಷ್ಟವಾಗುತ್ತದೆ. ನೀವು ಸುಲಭವಾಗಿ ಮರುಪಾವತಿಸಬಹುದಾದ ಸಾಲವನ್ನು ತೆಗೆದುಕೊಳ್ಳುವುದು ಯಾವಾಗಲು ಉತ್ತಮ.
ಬಡ್ಡಿದರಗಳು:
ಸಾಮಾನ್ಯ ಗೃಹಸಾಲಗಳಿಗೆ ಹೋಲಿಸಿದರೆ ಈ ಸಾಲಗಳ ಬಡ್ಡಿ ದರಗಳು ಸ್ವಲ್ಪ ಹೆಚ್ಚು. ಸಾಲದಾತನನ್ನು ಅವಲಂಬಿಸಿ, ಅದು ಬದಲಾಗುತ್ತದೆ.ವಿವಿಧ ಬ್ಯಾಂಕ್ ಗಳು ಮತ್ತು ಹಣಕಾಸು ಸಂಸ್ಥೆಗಳು ನೀಡುವ ಬಡ್ಡಿದರಗಳನ್ನು ಹೋಲಿಸಿ ನಿರ್ಧಾರ ತೆಗೆದುಕೊಳ್ಳಿ.
ಅವಧಿ :
ಬ್ಯಾಂಕುಗಳು ಈ ಸಾಲವನ್ನು ಕೆಲವು ತಿಂಗಳುಗಳಿಂದ ವರ್ಷಗಳವರೆಗೆ ನೀಡುತ್ತವೆ. ನಿಮ್ಮ ಮರುಪಾವತಿ ಸಾಮರ್ಥ್ಯವನ್ನು ಅವಲಂಬಿಸಿ, ಅವಧಿಯನ್ನು ಆಯ್ಕೆಮಾಡಿ ನಿಮ್ಮ ಮೇಲೆ ನೀವು ಹೆಚ್ಚು ಆರ್ಥಿಕ ಒತ್ತಡವನ್ನು ಹಾಕಿಕೊಳ್ಳಬೇಡಿ.
ದಾಖಲೆಗಳು:
ಯಾವುದೇ ತೊಂದರೆಗಳಿಲ್ಲದೆ ಸಾಲವನ್ನು ಪಡೆಯಲು ಎಲ್ಲಾ ದಾಖಲೆಗಳು ಸಿದ್ಧವಾಗಿರಬೇಕು. ಸಾಲದಾತನು ಯಾವ ದಾಖಲೆಗಳನ್ನು ಕೇಳುತ್ತಾನೆ ಎಂಬುದನ್ನು ಮುಂಚಿತವಾಗಿ ತಿಳಿಸುಕೊಳ್ಳಿ. ಗುರುತು, ನಿವಾಸ, ಆದಾಯ ಮತ್ತು ಅಸ್ತಿ ಮಾಲೀಕತ್ವದ ಪರಿಶೀಲನೆಯನ್ನು ಕೇಳುವ ಸಾಧ್ಯತೆಯಿದೆ. ದುರಸ್ತಿಯ ಸಂಪೂರ್ಣ ವಿವರಗಳನ್ನು ಸಹ ಒದಗಿಸಬೇಕು..
ತೆರಿಗೆ ವಿನಾಯಿತಿ:
ಆದಾಯ ತೆರಿಗೆ ಕಾಯಿದೆಯ ಸೆಕ್ಷನ್ 24(b) ಅಡಿಯಲ್ಲಿ, ಕೆಲವು ನಿಬಂಧನೆಗಳ ಅಡಿಯಲ್ಲಿ ದುರಸ್ತಿ ಸಾಲದ ಮೇಲೆ ಪಾವತಿಸಿದ ಬಡ್ಡಿಯ ಮೇಲೆ ತೆರಿಗೆ ಪ್ರಯೋಜನಗಳನ್ನು ಪಡೆಯಬಹುದು. ನಿಮ್ಮ ಗೃಹಸಾಲದ ಮೇಲಿನ ಬಡ್ಡಿಯು ರೂಪಾಯಿ 2 ಲಕ್ಷಕ್ಕಿಂತ ಕಡಿಮೆ ಇದ್ದಾಗ ಮಾತ್ರ ಇದು ಸಧ್ಯ.
Tags
BANK NEWS